شرح حصري تسريع التورنت لأقصي سرعه

بسم الله الرحمن الرحيم

مشكلتى ومشكلة الكثير من الأعضاء هى اننا بنتعب مع معظم المواقع اللي بنعمل من عليها الداون لود وبقينا نكرههم

وخصوصا الرابيد شير الزفت وميجا ابلود الشلل

ومن هنا اتجهنا الى التورنت المريح

بروابطه المباشره وسرعته الصاروخية وامكانية استكمال التحميل

ولكن كانت المشكلة عند بعض الناس هى قلة سرعة التورنت

لدرجة انه كانت سرعة الداون لود احيانا تنخفض تحت 5 كيلو بايت لاصحاب السرعة 256 وانا منهم

والآن ومع طرق تسريع التورنت وصلت عندى السرعة الى 20-25واتصالى بالنت 256

ولما زودت اتصالى الى 512 سرعة الدون لود بحمد الله تصل الى50-55

والطرق كلها حقيقية ومضمونة وفعالة ومجربة

يلا بينا علي الشرح

انا قولت الشرح السهل مش عامل له صور انما المعقد حيبقي ليه صور

يلا بينا

***أولا تمكين خاصية UPNP ***

1-start

2-control panel

3-add or remove programs

4-add or remove windows component

5-تعلم صح على Networking Services ثم تضغط على Details لها

6-هتظهر لك قايمة جديدة تعلم صح فيها على Upnp User InterFace

7-ok ثم Next لازم يكون اسطوانة الويندوز موجوده في السي دي عشان حيطلبها وبعدين تعمل رستارت للجهاز
===================
***ثانيا باتش رفع عدد الآيبيهات المشاركة***

الوندوز اكس بى سيرفس باك تو متبرمج انه يعمل اتصال مع 10 ايبيهات

وده طبعا بيقلل سرعة التنزيل فى برامج مشاركة الملفات مثل التورنت

ولكن فيه باتش بيخليك تزود عدد الآيبيهات الى 200 300 400 500 زي ما انت عايز

أضغط علي الصوره لتحميل الباتش

شرح حصري تسريع التورنت لأقصي سرعه Mrpop3310uz9

1-بعد تحميل الباتش حتفكه وتضغط عليه

2-هتظهر لك شاشة دوس اضغط على حرف C لتحديد عدد الآيبيهات الجديدة

3-بعد ما تضغط على حرف C هتدخل الرقم اللى انت عاوزه 200 مثلا

4-بعدين هتظهر لك رسالة تأكيد اضغط على حرف Y

5-وبعد ما تدوس Y هيقعد يعد لك من 15 لحد صفر

6-هيطلع لك فى نصف وقت العد ده رسالة بتطالبك بادخال اسطوانة الوندوز

دوس Cancel وبعدين هتظهر لك رسالة جديدة دوس Yes

حيطلب منك اسطوانة الويندوز قوله لا مش مهم كنسل

وبعدين دوس اى زرار علشان شاشة الدوس تقفل

وبكده خلصنا الطريقة التانية
==========================
***ثالثا التراكرز***

من أحد عوامل تسريع التورنت أيضا هو التراكرز الذى تستخدمه

عادة كل ما تيجى تحمل فيلم تورنت أو لعبة بيكون فيه تراكرز واحد بتحمل منه

انا عملت ملف تكيست فيه تراكرز كتير وفعالين

أضغط علي الصوره لتحميل التراكرز

وطريقة شرح أضافة التراكرز عن تحميل اي ملف ستجده بالاسفل مع شرح برنامج البت كوميت
==========================

***رابعا البحث عن وصلة تورنت صاروخية***

اهم حاجة تكون وصلة التورنت اللى بتحمل منها تكون قوية والhealth بتاعتها لونها اخضر

والseed وال peer عددهم كبير

وافضل مواقع بيعطيك روابط تورنت قوية جدا هو

http://www.torrentspy.com/

http://www.isohunt.com/

http://www.btmon.com/

http://www.btjunkie.org/

واعتذر قد توجد فيهم بعض الصور السيئه

لان لو وصلة التورنت ضعيفة البرنامج هيبقى الدون لود فيه ميت
===========================
***خامسا***الطريقة الرهيبة***فتح بورت فى الروتر للتورنت***

من المعلوم ان الديفالت للتورنت على اى روتر انه يقوم بسحب حوالى 80 فى الميه

من سرعة الدون لود بتاعة الخط وبيقلل سرعة التصفح نسبيا بدرجه بسيطه ويتبقى 20 فى الميه للدون لود

ببرامج الدون لود العاديه

ولكن لما تفتح بورت فى الروتر للتورنت بيتم شغل سرعة الخط تماما ومش هتعرف تدون اى حاجه خالص

ولو معاك حد عالشبكه مش هيعرف يدون بتاتا السرعه عنده هتكون 1-10 كيلو

انا بحذر من الطريقة دى علشان تعملها لازم تكون عالخط لوحدك لانها بتشغل الخط تماما

والى الطريقة:

1-تفتح رن وتكتب command

2-ipconfig/all وتعرف منها بيانات كويس من الاى بى والجيت وى

3-تدخل هنا الموقع ده http://www.portforward.com/english/routers/port_forwarding/routerindex.htm

وتحدد نوع الروتر بتاعك بالضبط ورقمه ولو لقيت اسم الروتر بس اختلاف فى الرقم

خد اقرب واحد ليه والفكره واحده

وبعدين هتختار اسم برنامج التورنت بتاعك من الصفحة الجديدة

او اى برنامج انت عاوز تفتح له بورت وبعدين هو هيشرح لك بالظبط الطريقة
:::::::::::::::::::::::::::::::::::::::::::::::::
وبكده يبقي شرحنا طريقة تظبيط جهازك عشان يبقي جاهز للتورنت

الخطوه التاليه هي تظبيط افضل برنامج علي الاطلاق و هو البت كوميت
وحسيب شرحه في الرد عشان يبقي منفصل وتركزوا فيه كويس

يلا اشوفكم بعدين في الرد Wink

سلام مؤقت

قبل الشرح طبعا لازم يكون في برنامج هههههههههههه

اتفضل برنامج البت كوميت اخر اصدار

أضغط علي الصوره للتحميل

حسيبكم بقي مع الشرح ويارب يكون وافي ومفيد

شرح حصري تسريع التورنت لأقصي سرعه 001le1

شرح حصري تسريع التورنت لأقصي سرعه 002zs0

شرح حصري تسريع التورنت لأقصي سرعه 003yd3

والله الموفق

فيك الخيروعليك وبارك الله فيك وتسلم أيديك

والله كنت محتاج الشرح ده من زمان ولا أحلى ولاأروع من كده

متشكر على الشرح الرائع بس وصلة الباتش عطلانه

محمد علي فكره الباتش بيدي ERROR حاول تظبتهولنا وشاكرين لك مجهودك الرائع والمتميز زي ماقولنا قبل كده رقم واحد فعلاً